AFGOOYE (SMN) – Xiisad dagaal oo u dhexeyso laba maleeshiyo beeleed ayaa maanta ka taagan duleedka deegaanka Yaaqbari-wayne ee gobolka Shabeelaha Hoose
Xiisaddan ayaa salka ku hayso dilal la xiriira aanooyin qabiil oo ka taagan halkaasi, waxaana laga cabsi inuu dagaal ka dhex qarxo labada beelood
Maleeshiyaadka labada dhinac ayaa sidoo kale lagu soo warramayaa inay hub uruursi ka wadaan duleedka deegaanka Yaaqbari-wayne ee gobolkaasi.
Ma jiro wax hadal ah oo kasoo baxay maamulka deegaanka iyo saraakiisha laamaha ammaanka oo ku aadan xiisaddaasi.
Bishii lasoo dhaafay ayay aheyd markii labada beelood ay ku dagaalameen halkaasi, waxaana ka dhashay khasaare isugu jiro dhimasho iyo dhaawac.
