Taliska ciidamada Xoogga dalka Soomaaliyeed ayaa ka warbixiyey khasaaraha ka dhashay howl-gallo ciidamada dowladda ay ka sameeyeen qeybo ka mid ah gobolka Shabeelaha Dhexe.
Odowaa Yuusuf Raage oo ah taliyaha ciidamada Xoogga dalka ayaa sheegay in howl-galladaasi oo laga sameeyey deegaanada War-Ciise iyo Gal-labashiir lagu dilay illaa 15 xubnood oo ka tirsanaa Al-Shabaab.
Sidoo kale wuxuu tilmaamay inay ciidamada milatariga Soomaaliya ay sii wadi doonaan dhaq-dhaqaaqyada milatari ee ay ka wadaan gobolka Shabeelaha Dhexe.
Maalmihii u dambeeyey ciidamada dowladda iyo kuwa AMISOM ayaa sare u qaaday howl-gallada ka dhanka ah Al-Shabaab ee ka socda deegaanada maamulka HirShabelle.
