DHUUSAMAREEB (SMN) – Dabley hubeysan ayaa xalay saq-dhexe ku dilay qof shacab ah deegaan lagu magacaabo Dharjo oo u dhow magaalada Dhuusamareeb ee caasimadda Galmudug.
Marxuumka dhintay ayaa kasoo jeeday magaalada Dhuusamareeb halka raga dilka geystay la sheegay inay ka yimaaden dhinaca deegaanka Ceelgaras ee isla gobolka Galgaduud.
Kooxdii dilkaasi fulisay ayaa goobta ka baxsatay, waxaana saaka laga daremyaa aaga meesha uu falkaasi ka dhacay saan-saan colaadeed.
Warar qaar ayaa intaasi kusii daraya in dilkan uu salka ku hayo aano qabiil oo ka taagan halkaasi, taas oo in muddo ah ka jirtay aagga magaalada Dhuusamareeb.
Inta badan deegaanada iyo degmooyinka gobollada Galgaduud iyo Mudug waxaa ka dhaco dilal salka ku hayo aanooyin qabiil, kuwaas oo kusoo noq-noqda gobollada dalka.
