DOOXA (SMN) – Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) iyo wafdi uu hogaaminayo ayaa booqday xarunta weyn ee Expo Doha 2023.
Guddoomiye Madaale ayaa maamulka sare ee xaruntan Expo Doha 2023 ka dhageestay warbixina la xariira waxa ay u taagan tahay, isaga oo warbixinta ka dib sheegay in Soomaaliya ay tahay waddan barwaaqo ah islamarkaana leh wax soo saar balaaran oo waddamo badan oo caalamka ka tirsan loo iib geeyo.
Guddoomiyaha Gobolka Banaadir iyo maamulka Expo Doha 2023 ayaa sidoo kale isla soo qaaday sidii loo abuuri lahaa fursado iskaashi ah oo lagu taageerayo horumarinta Caasimadda JFS ee Muqdisho.
Expo Doha 2023 ayaa ah xarun ay ku mideysan yihiin 127 dowladood, kuwaas oo loogu talagalay in waddan kaste uu xaruntani kusoo bandhigo waxyaabaha uu caanka ku yahay sida Hido-dhaqmeydka, wax soo saar kooda iyo taariikh dooda.
