Muqdisho, Soomaaliya – Wasiirka Caddaaladda iyo Arrimaha Dastuurka ee Xukuumadda Federaalka Soomaaliya, Mudane Xasan Macalin Maxamuud, ayaa maanta xafiiskiisa ku qaabilay Wakiilka Xoghayaha Guud ee Qaramada Midoobay u qaabilsan Soomaaliya, Mudane James Swan.
Kulanka ayaa looga hadlay xoojinta xiriirka iyo iskaashiga u dhaxeeya Dowladda Federaalka Soomaaliya iyo Qaramada Midoobay, iyadoo si gaar ah diiradda loo saaray arrimaha caddaaladda, dastuurka iyo geeddi-socodka dowlad-dhiska dalka.
Labada dhinac ayaa ku adkeystay muhiimadda ay leedahay in la sii xoojiyo wada shaqeynta si loo gaaro horumar waara oo ku aaddan dhinacyada sharciga, maamul wanaaga, iyo dowlad-dhisidda dalka.
