GAROOWE (SMN) – Madaxweyne ku xigeenka maamulka Puntland ahna ku simaha Madaxweynaha, Axmed Cilmi Cusmaan (Karaash) ayaa wareegto uu saaray waxa uu ku magacaabay Guddoomiyaha Gobalka Mudug.
Karaash, ayaa guddoomiyaha gobolka Mudug u Magacaabay Faysal Sheekh Cali Maxamed, magacaabistaan ayaa noqonaysa midii ugu horreysay ee uu sameeyo madaxweyne ku-xigeenka tan iyo markii Saciid Deni uu ku dhawaaqay in uu yahay Musharrax madaxweyne, una soo wareegay magaalada Muqdisho.
Halkan hoose ka aqriso:-
Kusimaha Madaxweynaha Maamulka Puntland.
Markuu arkay: Dastuurka Puntland.
Markuu arkay:- Baahida Shaqo ee Jirta.
Markuu tix geliyey:- Aqoontiisa iyo Waayo-Aragnimadiisa Shaqo.
Wuxuu u Magacaabay:- Faysal Sheekh Cali Maxamed Guddoomiyaha gobolka Mudug.
Xeerkani wuxuu dhaqan gelayaa marka uu saxiixo Kusimaha Madaxweynaha, Ahna Madaxweyne ku xigeenka Puntland, wuuna saxiixay.
