AFGOOYE (SMN) – Wararka ka imaanaya gobolka Shabeelaha Hoose ayaa sheegaya in saacadihii lasoo dhaafay ciidamada Xoogga dalka, gaar ahaan kuwa sida gaarka ah u tababaran ee Gorgor ay howl-gal qorsheysan ka sameeyeen qeybo ka mid ah gobolkaasi.
Howl-galka ayaa waxaa si gaar ah looga fuliyey deegaanada Buulo Xaanshi, Ceelsaniini iyo Buulo Cadey oo ka wada-tirsan gobolka Shabeelaha Hoose ee Koonfur Galbeed.
Saraakiisha hoggaamineysa howl-galka ayaa sheegay inay burburiyeen fariisimo ay xoogaga Al-Shabaab ku lahaayeen halkaasi.
Sidoo kale saraakiisha ayaa intaasi kusii daray inay sii wadi doonaan dhaq-dhaqaaqyada ka dhanka ah Al-Shabaab ee ka socda gobolka Shabeelaha Hoose.
