MUQDISHO, Soomaaliya — Culima’udiinka iyo waxgaradka Soomaaliyeed ayaa soo saaray baaq xooggan oo ku aaddan midnimada qaranka, iyagoo caddeeyay in diinteenna suubban ay tahay rukunka rasmiga ah ee nabadgelyada iyo wadajirka bulshada.
Farriintan, oo xambaarsan hal-ku-dhegga ah “Diinteennu waa saldhigga nabadda iyo wadajirka umadda,” ayaa looga golleeyahay in lagu xoojiyo wadajirka dadka Soomaaliyeed.
“Diinteennu way na midaysaa — nama kala qaybiso,” ayay yiraahdeen dadkii ka qaybgalay xal-qada 5aad. Waxay ku doodeen in mabaadi’da diintu ay bixinayso hannaanka ugu habboon ee dib-u-heshiisiinta iyo nabad ku wada noolaanshaha waara.
