Duqa magaalada Muqdisho oo war kasoo saaray dilka guddoomiye Garyare

Maamulka Gobolka Banaadir waxa uu ka Tacsiyeenayaa geerida ku timid Allaha u Naxriisto Guddoomiyaha Deegaanka Garasbaaley ee Gobolka Banaadir Marxuum Abdirahman Ahmed Ali Garyare.

Guddoomiye Garyare iyo labo ka mid ah ilaaladiisa ayaa lala eegtay Qarax Miino xilli ay kasoo baxeen Salaada Jimcaha.

Maamulka Gobolka Banaadir ayaa waxa uu Tacsi u dirayaan Dhamaan Ehelada, Qaraabada, Asxaabta iyo Bulshada Deegaanka Garasbaaley ee uu ka baxay Marxuumka.

AUN Abdirahman Ahmed Ali Garyare, Waxa uu ahaa Mas’uul dadaal badan kusoo bixiyay sidii uu ugu shaqeyn lahaa Bulshada Gobolka Banaadir gaar ahaan shacabka Deegaanka Garasbaaley, Waxaana Eebe ugu baryeynaa in janadda Fardowso Allaha ka waraabiyo dhamaanteenna Samir iyo Iimaan Allaha naga siiyo.

INNAA LILLAAH WA INNAA ILEYHI RAAJICUUN