Faah faahino dheeraad ah ayaa waxaa laga helayaa howlgal ay xalay maamulka Yaaqshiid iyo ciidamada Booliska Soomaaliya oo iskaashanaya ka sameeyeen gudaha degmadaasi.
Howl-galka oo ahaa mid qorsheysan ayaa waxaa lagu soo qabtay afar nin oo la sheegay inay ahaayeen burcad dhac u geysaneysay dadka deegaanka.
Saraakiisha horkaceysay howl-galkaasi ayaa sheegay inay soo gaartay cabashada dadweynaha, isla-markaana ay gacanta kusoo dhigeen raggaasi.
Sidoo kale maamulka degmada ayaa shaaca ka qaaday in la xiray raggaasi, isla-markaana loo sii gudbin doono maxkamad, si looga qaado tallaabo sharciga waafaqsan.
Magaalada Muqdisho ee caasimada Soomaaliya ayaa waxaa maalmihii la soo dhaafay ka socday howl-gallo lagu xaqiijinayo amniga oo ay wadeen ciidamada Booliska Soomaaliyeed.
