MUQDISHO (SMN) – Madaxweynaha Soomaaliya Mudane Maxamed Cabdullaahi Farmaajo iyo Ra’iisul Wasaare Maxamed Xuseen Rooble oo wada-hadal gaar ah yeeshay ayaa xal ka gaaray arrimihii ay isku hayeen.
Labada mas’uul ayaa isku raacay qodobo dhowr ah, waxaana ka mid ah:-
1- In Cabdullaahi Maxamed Nuur loo daayo Wasiirka Amniga.
2- In Gen. Bashiir Goobe Wasiir Dowle loo magacaabo.
3- In Yaasiin Fareey sii ahaado Taliyaha NISA, illaa Madaxweynaha uu soo magacaabayo Taliye la isla ogolyahay, golaha wasiiradana la marsiiyo.
4- In doorashooyinka la dardar-geliyo.
5- In kiiska Ikraan Tahliil Faarax loo daayo hay’adaha Garsoorka dalka.
Wada-hadalladan guuleystay ayaa waxaa garwadeen ka ahaa madaxweynaha dowlad goboleedka Koonfur Galbeed Soomaaliya Cabdicasiis Xasan Maxamed (Lafta Gareen).
