Muqdisho — Ra’iisul Wasaare Ku-xigeenka labaad ee Soomaaliya, Mudane Jabriil Cabdirashiid Xaaji, ayaa maanta magaalada Muqdisho ka daah-furay xuska Maalinta Caalamiga ah ee Xuquuqul Insaanka, oo loo dabaal degayo 10-ka December sanad kasta.
Munaasabaddan, oo ay soo qaban-qaabisay Wasaaradda Qoyska iyo Horumarinta Xuquuqul Insaanka XFS, ayaa sanadkan lagu soo bandhigay guulaha wasaaradda ka gaartay horumarinta xuquuqda aadanaha Soomaaliya. Waxaa ka mid ah:
- Dib-u-soo celinta waajibaadka Xuquuqul Insaanka ee dalka ka dib ku dhawaad 30 sano.
- Meel-marinta sharciyo muhiim u ah horumarinta iyo difaaca Xuquuqul Insaanka.
- Dhismaha Guddiga Madaxa Banaan ee Xuquuqul Insaanka Soomaaliya.
Munaasabaddan ayaa sidoo kale ku astaysan 77 sano guuradii tan iyo markii la aqoonsaday Maalinta Xuquuqul Insaanka sanadkii 1948-dii.
Soomaaliya waxay ka mid tahay 199 dal oo maanta u dabaal degaya xuska maalintan caalamiga ah, iyada oo muujinaysa taageerada joogtada ah ee xuquuqda aadanaha iyo horumarinta dimuqraadiyadda dalka.
