JOWHAR (SMN) – Wararka laga helayo gobolka Shabeelaha Dhexe ayaa sheegaya in xalay dagaalyahanada Al-Shabaab ay weerar ku qaadeen garoonka diyaaradaha ee Jowhar.
Weerarka oo ahaa mid culus ayaa waxaa uu ku billowday hoobiyeyaal, waxaana xigay dagaal toos ah oo dhex-maray ragga weerarka qaaday iyo ciidamada AMISOM.
Ilo dadka deegaanka ah ayaa Shabelle u sheegay inay maqlayeen dhawaqa hubka culus ee ay is-weydaarsanayeen labada dhinac, balse ma cadda khasaaraha soo kala gaaray.
Xaaladda ayaa maanta deggan, waxaana goobta isaga baxsaday dagaalyahanada Al-Shabaab ee weerarka ku qaaday garoonka Jowhar oo ay dagan yihiin ciidanka AMISOM.
