Shirka golaha wada-tashiga qaranka ee looga hadlayo doorashooyinka ayaa galay maalintiisii labaad, wuxuuna ka socdaa Teendhada Afisyooni ee magaalada Muqdisho.
Intiisa badan waxaa shirkan diirada lagu saarayaa dardar-gelinta arrimaha doorashooyinka iyo fulinta heshiiskii horey looga gaaray qabsoomida doorashooyinka Soomaaliya ee 2021-ka.
Sidoo kale waxaa la filayaa in shirka laga soo saaro war-murtiyeed ku aadan waxyaabaha ay ka wada-hadlayaan ra’iisul wasaaraha, hoggaamiyeyaasha maamul goboleedyada iyo duqa magaalada Muqdishp.
