WANLAWEYN (SMN) – Wararka laga helayo gobolka Shabeelaha Hoose ayaa sheegaya in ciidamo fara badan oo ka tirsan Koonfur Galbeed ay u ruqaansadeen deegaanka Yaaqbariweyne oo ay ka taagan tahay xiisad dagaal oo xooggan.
Xaaladda ayaa ah mid aad u kacsan iyada oo maleeshiyaadka gacanta ku haya Yaaqbariweyne ay xirteen difaacyo waa weeyn iyadoo laga cabsi qabo in markale meesha dagaal uu ka qarxo.
KGS ayaa u muuqaneysa mid doonaysa in ay gacanta ku dhigto Yaaqbariweyne marka loo eego sida ay duulaanka ugu tahay halkaasi oo in dhawaanahanba colaaddu ay ka taagnayd.
Xaaladda ayaa ah mid aan la saadaali karin iyadoo dhinacyadu ay wadaan isku hub aruursi sababi kara in ay dagaalamaan iyadoo labada dhinac goobaha ay ku kala suganyihiin ay yihiin kuwo aan kala fogeyn.
Colaadda Yaaqbariweyne ayaa la sheegay in ay salka ku hayso lacagaha caanshuuraadka ee laga qaado deegaanka halka Koonfur Galbeed ay ku doodeyso in halkaasi ay taallo isbaaro isla-markaana ay la dagaalameeso makeeshiyaadka ku sugan.
