MUQDISHO – Wasiirka Wasaaradda Arrimaha Gudaha, Federaalka Iyo Dib-u-heshiisiinta XFS Xildhibaan Hon Ali Yusuf Ali – Xoosh ayaa goobjoog ka ahaa munaasabad Dowladda Imaaraadka ay ku wareejisay gawaari deb-damis ah oo gacan ka gaysan doona gurmadka degdegg ah ee daminta debka.
Guddoomiyaha Gobolka Banaadir ahna Duqa Muqdisho Mudane Xasan Maxamed Xuseen ayaa guddoomay gawaarida dab-damiska ah, kuwaasi oo wax badan ka tari doonta maareynta xaaladda debka ee caasimadda.
Wasiirka Arrimaha Gudaha XFS Xildhibaan Cali Xoosh ayaa ka mahadceliyay wareejinta Gawaarida dab-damiska ah, isagoo tibaaxay in ay qayb ka qaadan doonaan gurmadka degdegga ah ee loo samaynaaayo goobaha uu dabka ka kaco iyo badbaadinta xoolaha iyo arwaaxda.
