Baarlamaanka maamulka Hirshabelle ayaa haatan isu diyaarinaya in maalmaha soo socda uu doorto xubnaha ku metalaya aqalka sare ee Soomaaliya.
Sidoo kale waxaa la diiwaan-geliyay qaar ka mid ah musharraxiinta u tartamaya kuraasta sideeda ah ee taalla magaalada Jowhar ee xarunta gobolka Shabeelaha Dhexe.
Ammaanka ayaa sidoo kale aad loo adkeeyey, waxaana ciidamada booliska ay howl-gallo ka wadaan gudaha magaalada Jowhar.
HirShabelle ayaa lagu ammaanay in kuraasta aanu u xirin siyaasiyiin gaar ah, doorashada ka dhici doonta ay u muuqato mid si weyn loogu tartami doono, maadaama ay tahay mid furan.
