Dibad-bax uu soo qaban-qaabiyey maamulka degmada Gaalkacyo, isla-markaana ay ka qeyb-galeen shacab afar badan ayaa maanta ka dhacay gudaha magaaladaasi.
Waxaa dibad-baxayaasha ay isugu soo baxeen waddooyinka Gaalkacyo, iyaga oo taageero u muujiyey ciidamada dowladda iyo kuwa Galmudug ee howl-gallada ka wada Mudug.
Dibad-baxayaasha sidoo kale waxaa la hadlay mas’uuliyiinta maamulka Gaalkacyo iyo wasiiro ka tirsan Galmudug oo ka qeyb-galay dibad-baxa ka dhanka ah Al-Shabaab.
Gobolka Mudug ayaa waxaa muddooyinkii la soo dhaafay waxa ka dhacayey dagaallo iyo duqeymo diyaaradeed oo ka dhan ah xoogaga Al-Shabaab ee ku sugan halkaasi.
