KISMAAYO (SMN) – Taliyaha Ururka 5-aad, Guutada 16-aad ee ciidamada Danab, Carab Dheeg Axmed oo la hadlay warbaahinta ayaa ka warbixyay howlgal qorsheysan oo ka dhacay Tuulada Kuuba-Kabir oo hoostagtga deegaanada Janaay Cabdalle ee gobolka Jubbada Hoose.
Carab Dheeg ayaa sheegay in ciidamada Danab ay ka hortageen weerar ay doonayeen Al-Shabaab inay ku qaadeen deegaanka Janaay Cabdalla iyo deegaanada hoos yimaada.
Sidoo kale taliyaha ayaa shaaca ka qaaday inay howlgalkaas ku dileen illaa 7 xubnood oo ka tirsanaa Al-Shabaab, sida uu hadalk u dhigay.
Waxaa kale oo uu intaasi kusii daray inay sii wadaan dhaq-dhaqaaqyada ka dhanka ah Al-Shabaab ee ka socda duleedka magaallo xeebeedka Kismaayo ee gobolka Jubbada Hoose.
Xaaladda ayaa haatan ah mid kacsan, mana jiri wax hadal ah oo kasoo baxay dhanka Al-Shabaab oo ku aadan howlgalkaas ee ay guulaha ka sheegteen ciidamada dowladda.
alka.
