GAROOWE (SMN) – Dowladda federaalka Soomaaliya ayaa hambalyo u dirtay madaxweyne Saciid Deni oo dib loogu doortay madaxweynaha Puntland.
Warsaxaafadeed kasoo baxay dowladda dhexe ayaa waxaa Saciid Cabdullaahu Deni loogu rajeeyay inuu Alle u fudueeyo xilka culus ee mar kale loo doortay.
Halkan hoose ka akhriso:-
Dowladda Federaalka Soomaaliya ayaa hambalyo u dirtay Madaxweynaha Dowlad Goboleedka Puntland Mudane Saciid Cabdullaahi Deni oo maanta mar kale loo doortey inuu sii hayo talada.
Waxa ay Dowladda Soomaaliya u rajeyneysaa Madaxweynaha la doortey inuu Ilaahay u fududeeyo gudashada waajibaadkiisa shaqo.
Dowladda Federaalka Soomaaliya waxay ugu dambeyn ku bogaadineysaa shacabka , musharixiinta iyo baarlamanka Puntland sida hufan ee nabadda leh ee ay uga soo wada shaqeeyeen qabsoomidda doorashadan muhiimka u ah horumarinta dowlad dhiska Soomaaliya .
