JOWHAR (SMN) – Wararka ka imanaya gobolka Shabeellada Dhexe ayaa sheegaya qarax ka dhacay magaalada Jowhar ee caasimadda dowlad goboleedka HirShabelle.
Qaraxan ayaa la sheegay in lala bewgsaday baabuur uu leeyahay guddoomiyaha gobolka Axmed Mayre Makaraan.
Guddoomiyaha ayaa la sheegay inuusan la socon baabuurka xilligaas, khasaarena ilaa xilligan lama soo werin.
Dhinaca kale saddex qof oo ka tirsan askartii hore ee Soomaaliya ayaa la sheegay in lagu dilay weerar Al-Shabaab ku qaadeen xeradii Hiilweyne.
Weerarkan ayaa wararku sheegeen inuu dhacay Jimcihii. Ilaa hadda taliska ciidanku kama aysan hadlin rasmi ahaan weerarka.
