WAAJID (SMN) – Wararka laga helayo gobolka Bakool ee koonfurta Soomaaliya ayaa sheegaya in dab la qabadsiiyay toddobo gaari dameer oo siday badeecooyin kala duwan oo u rarnaa ganacsato, kuwaas oo u socday degmada Waajid ee isla gobolkaasi.
Dagaalyahano ka tirsan Al-Shabaab ayaa la sheegay iney ka dambeeyeen dabka la qabadsiiyay gaari dameerada alaabaha u siday Waajid.
Degmada ayaa waxa ay ka mid tahay magaalooyinka ay gacanta ku hayaan ciidamada dowladda iyo kuwa AMISOM ee Koonfurta iyo bartamaha Soomaaliya.
Inta badan Al-Shabaab ayaa go’doomiyey degmooyinka gobolka Bakool oo ay ugu horreyso magaalada Xudur ee xarunta gobolkaasi.
