Muqdisho – Guddoomiyaha Golaha Shacabka ee Baarlamaanka Federaalka Soomaaliya, Cabdulqaadir Maxamed Nuur (Jaamac), ayaa xafiiskiisa ku qaabilay safiirka cusub ee Midowga Yurub u qaabilsan Soomaaliya, László Máthé.
Kulanka ayaa looga hadlay xoojinta xiriirka iyo iskaashiga Soomaaliya iyo Midowga Yurub, gaar ahaan horumarinta wada shaqaynta Golaha Shacabka iyo hay’adaha sharci-dejinta ee Midowga Yurub. Labada dhinac ayaa sidoo kale diiradda saaray sidii loo xoojin lahaa awoodda Golaha Shacabka, loona ballaarin lahaa isdhaafsiga aqoonta iyo khibradaha dhinaca sharci-dejinta.
Guddoomiyaha Golaha Shacabka, Cabdulqaadir Maxamed Nuur (Jaamac), ayaa uga mahadceliyey Midowga Yurub taageerada joogtada ah ee uu Soomaaliya ka siiyo dhinacyada amniga iyo dowlad-dhiska, isaga oo adkeeyey muhiimadda ay leedahay sii xoojinta iskaashiga labada dhinac.
