GAROOWE (SMN) – Qoraal kasoo baxay madaxtooyada Puntland ayaa lagu sheegay inay soo dhoweynayaan shirka uu iclaamiyey ra’iisul wasaaraha, ayna ka qeyb-galayaan.
Puntland ayaa sidoo kale shaaca ka qaaday inay diyaar u tahay qabashada doorashada xildhibaanada golaha shacabka oo horay uga bilaabatay dalka.
Si kastaba, Puntland ayaa u muuqato inay taageero u muujineyso ra’iisul wasaaraha oo ay haatan is-hayaan madaxweyne Maxamed Cabdullaahi Maxamed (Farmaajo).
Halkan hoose ka aqriso:-
Puntland waxay diyaar u tahay ka qaybgalka shirka Golaha Wadatashiga Qaranka ee uu hogaamiyo RW Maxamed Xuseen Rooble.
Puntland waxay kaloo caddeynaysaa in ay diyaar u tahay qabashada doorashada Xildhibaanada Golaha Shacabka si waafaqsan heshiisyadii Golaha Wadatashiga Qaranka oo uu gundhig u yahay heshiiskii 17 September 2020.
