MUQDISHO (SMN) – Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre ayaa guddoomiyey kulanka Guddi Hoosaadka Golaha Wasiiradda ee Tiirka Soomaali Heshiis ah.
Xamza ayaa warbixino ka dhagaystay Wasaaradaha ka midka ah Tiirka Soomaali Heshiis ah waxyaabihii uga qabsoomay qorshayaasha horutabinta u leh Xukuumadda DanQaran.
Ra’iisul Wasaaraha ayaa faray Wasaaradaha qaybta ka ah Tiirka in ay dadar-galiyaan qorshayashii Xukuumadda, isla markaa bulshada u soo bandhigaan waxqabad muuqda oo lagu qanco saldhigna u tahay Halbeegyada mudnaanta u leh xukuumadda #DanQaran ee Tiirka Soomaali Heshiis ah sida Dhamaystirka dib u eegista Dastuurka, Dimoqraadiyaynta iyo Dardargalinta Dowlad wanaagga iyo Hiigsiga Xukuumadda ee hirgalinta dowladnimo u dhaw shacabka.
