Shirka Golaha Wadatashiga ee Muqdisho oo galay maalintii labaad

0

MUQDISHO (SMN) – Shirka Golaha Wadatashiga Qaran ee u dhexeeyo dowladda federaalka iyo dowlad goboleedyada ee haatan ka socdo Villa Soomaaliya ayaa galay maalintii labaad, kaas oo looga hadlayo arrimo xasaasi ah.

Shirkan ayaa waxaa guddoominayo Madaxweyne Xasan Sheekh, waxaana ka qeyb galaya Ra’iisul Wasaaraha Xukuumadda Federaalka Soomaaliya Mudane Xamse Cabdi Barre, Ra’iisul Wasaare Ku Xigeenka Xukuumadda Mudane Salah Jama, Madaxweyneyaasha Dowlad-Goboleedyada, Jubbaland Mudane Axmed Maxamed Islaam, Koonfur-Galbeed Mudane Cabdicasiis Xasan Maxamed, Puntland Mudane Saciid Cabdullahi Deni, Galmudug Mudane Axmed Cabdi Kaariye, Hirshabeelle Mudane Cali Guudlaawe Xuseen iyo Guddoomiyaha Gobolka Banaadir ahna Duqa Muqdisho Mudane Yuusuf Xuseen Jimcaale.

Wararka ayaa sheegaya in shalay doodo xasaasi ah miiska lasoo saaray, waxaana ugu muhiimsanaa arrinta muddo kororsiga maamul goboleedyada, sidoo kale Madaxweyne Lafta Gareen ayaa soo hadal qaaday dhacdadii Baydhabo, isagoo eedeeyay dowladda.

Sidoo kale, Madaxda heer Federaal iyo heer Dowlad-goboleed waxay isla soo qaadeen xaaladda amniga dalka, gaar ahaan dagaalka Shabaab ee ka socdo gobollada dalka.

Shirka ayaa sii socon doono, ayada oo gabagabada la filayo in laga soo saaro war-murtiyeed ku aadan waxyaabaha ay ka wadahadlayaan labada dhinac.

LEAVE A REPLY

Please enter your comment!
Please enter your name here