BOOSAASO (SMN) – Magaalada Boosaaso ee xarunta ganacsiga Puntland ayaa lagu soo warramayaa inay goordhow ka bilaabatay rasaas goos goos ah oo ay is weydaarsanayaan ciidamada ammaanka maamulkaas iyo kuwa sida gaarka ah u tababaran ee PSF-ta.
Wararka ayaa sheegaya in rasaasta oo ah mid teel-teel ah haatan laga maqlayo aagga ay isku horfadhiyeen ciidamada labadad dhinac.
Xaaladda ayaa aad u kacsan, waxaana dhaq-dhaqaaqyadan cusub ay saameyn ku yeesheen dadka shacabka ah ee ku dhaqan halkaasi.
Muddooyinkii lasoo dhaafay ayaa waxaa Boosaaso isku horfadhiyey ciidamada Puntland iyo kuwa PSF-ta oo kasoo horjeestay xil ka qaadista lagu sameeyey taliyahooda.
