MUQDISHO [SMN] – Salaam Somali Bank ayaa lacag maalgelin ah [Free microfinance fund] siisay ganacsiyada yaryar ee caasimadda dalka taas oo qayb ka ah barnaamijka sanadlaha Qardu Xasan, oo loogu talagalay in lagu kobciyo dhaqaalaha dalka.
Maanta oo Arbaco ah, March 23 ayaa Xaruna Dhexe ee Bangiga oo ku taalla Bakaaraha, Muqdisho ayaa lagu gudoonsiiyay ganacsada maalgelinta Qardu Xasan, waxaana ku jiray ganacsatada dumar badan.
Qardu Xasan ayaa ujeedadeedu tahay ballaarinta meheradaha soo koraya ee dalka.
Ka -qaybgalayaasha munaasabadda, ka faa’iideystayaasha Qardu Xasan, ayaa sheegay inay uga mahadcelinayaan Bangiga maaliyad, iyagoo sheegay in lacagta maalgelinta ah ee ay heleen ay u rumeynayso riyooyinkooda ganacsi.
Salaam Somali Bank oo ahaa bangigii ugu horeeyay oo si gaar ah loo leeyahay, oo dalka laga aas-aasay October 2009, wuxuu ammaan ku helay sida ay uga go’an tahay hagaajinta nolosha dadka Soomaaliyeed iyada oo loo marayo maalgelinta Qardu Xasan oo loo abuuray inay caawiso ganacsatada maxalliga ah.
Intaa waxaa dheer, bangiga gaarka loo leeyahay oo fadhigiisu yahay Muqdisho ayaa sidoo kale taageera ganacsatada isagoo siinaya maalgelinta marxaladda hore iyo kobcinta taageero fir -fircoon gaar ahaan dhallinyarada iyo haweenka ganacsatada ah.
Qardu Xasan ayaa looga golleeyahay in lagu xoojiyo ganacsatada leh aragti dhiirigalin leh si ay u xalliyaan dhibaatooyinka waaweyn una abuuraan xalal ganacsi gudaha Soomaaliya, oo ah dal ay ragaadiyeen colaado iyo macaluul tobanaan sano socday.
Hoos ka daawo Sawiradda:
