MUQDISHO (SMN) – Magaalada Muqdisho waxa maanta lagu soo gabagabeeyey doorashada toddobo kursi oo ka mid ah xubnaha Golaha Shacabka, isla-markaana deegaan doorashadoodu tahay gobollada waqooyi.
Xubnaha la doortay ayaa kala ah:- xil. Cabdullaahi Cabdi Maxamed, xil. Nuuriya Aadan Ciise, xil. Maxamed Xasan Maxamed , xil. Faadumo Ismaaciil Xuseen, xil. Sahra Yuusuf Cige, xil. Caydaruus Saalax Yuusuf iyo xil. Nuuradiin Col-ujoog.
Kuraasta Somaliland oo ka kooban 46 ayaa waxaa ka harsan oo keliya saddex mudane, kuwaas oo la filayo in maalmaha soo socda doorashadooda lagu qabto Muqdisho.
