KISMAAYO (SMN) – Magaalada Kismaayo waxaa maanta lagu soo gabagabeeyey doorashada kuraasta Golaha Shacabka ee taalla magaaladaas oo ah deegaan doorashada koowaad ee Jubbaland.
Kuraastii u dambeysay ayaa doorashadooda lagu qabtay magaalada Kismaayo, waxayna kala yihiin HOP#133 iyo HOP#219.
1-Maxamed Xasan Aadan ayaa ku guuleystay kursiga HOP#133, kadib markii uu tanaasulay musharax Maxamuud Axamed Xasan oo la tartami lahaa.
2-Roodo Carab Cabdi ayaa kusoo baxday HOP#219 waxayna heshay 78 cod, halka Faadumo Cabdi Cali ay heshay 20 cod, sidoo kale waxaa xumaaday 3 cod.
Jubbaland ayaa waxaa haatan ku haray doorashada 16 kursi oo taalla Garbahaarey, walow uu weli muran xoogan ka taagan yahay sida loo qabanayo doorashada kuraastaasi.
