Madaxweynaha Koonfur Galbeed oo kulamo ka bilaabay degmada Waajid

0
10

Madaxweynaha dowlad Goboleedka Koonfur Galbeed Soomaaliya, Cabdicaiis Xasan Maxamed Lafta-gareen oo ku sugan degmada Waajid ee Gobolka Bakool ,ayaa kulan la qaatay Odayaasha dhaqanka degmadaas.

Kulanka ayaa waxaa uu ahaa, mid Madaxweyne Lafta-gareen uu Odayaasha dhaqanka uga xog-wareysanayay xaaladda guud ee degmada Waajid iyo baahiyaha ka jira degmada, ee loo baahan yahay in wax laga qabto.

Sidoo kale kulanka ayaa looga hadlay inta uu socday amniga degmada iyo wadashaqeynta ka dhexeeysa dadka shacabka iyo laamaha amniga, sidii loo horumarin lahaa adeegyada aas-aasiga ee loo baahan yahay.

Madaxweynaha Koonfur Galbeed Cabdicaii Lafta-gareen oo kulamo kale la qaatay dhalinyarada iyo Haweenka ayaa ka codsaday inay la shaqeeyaan Ciidanka amniga Maamulka, si looga hortego falal amni darro oo Waajid ka dhaca.

Kulamada xalay ayaa waxaa Madaxweynaha ku wehlinaayay Wasiirka Cadaalada Xukuumadda xilgaarsiinta Cabdulqaadir Maxamuud Nuur, Wasiiro iyo Xildhibaano kale oo ka tirsan Maamulka, kuwaasi oo shalay gaaray degmada.

LEAVE A REPLY

Please enter your comment!
Please enter your name here